ကညွှတ်စိုက်ပျိုးနည်းလမ်း

ပထမဦးစွာ မျိုးစေကို ရေးနွေးကြက်သိမ်းနွေးနဲ့ (၁) ရက် စိမ်ပေးရမည်။ ရေအေးနှင့် (၁) ရက်စိမ်ရပါမည်။ ဟော်မုန်အရည်တစ်မျိုးမျိူး ထည့်စိမ်းလျှင် ပိုကောင်းပါသည်။ ရေစိုအဝတ်စနဲ့ထုတ်၍ မြေအိုးထဲထည့်ကာ နေပူထဲတွင်ထားပါ။ ၄ ရက် ၅ ရက် ကြာလျှင် မျိုးညှောင် ပေါက်လာသည်ကို တွေ့ရပါမည်။ မျိုးညှောင်များကို ပျိုးအိတ်ထဲသို့ ပြောင်းထည့်၍ ပျိုးရပါမည်။ ပျိုးပင်သက်တမ်း (၃) လအကြာတွင် စိုက်ခင်းသို့ ပြောင်းရွှေ့စိုက်ပျိုးပေးရမည်။

ကညွှတ်သ်တမ်းသည် ပျမ်းမျှအားဖြင့် (၇) နှစ်သက်တမ်းရှိပါသည်။ အပူပိုင်းဒေသနှင့် အအေးပိုင်းဒေသ နှစ်မျိုးလုံးဖြစ်ထွန်းနိုင်ပါသည်။ သဲနှုန်းမြေအမျိုးအစားကို ပိုမိုကြိုက်နှစ်သက်သည်။ ပင်ကြားတစ်ပေခွဲ၊ တန်းကြား(၃) ပေ ဖြင့် စိုက်ပျိုးနိုင်သည်။ အပင်အရွယ် (၁)ပေခွဲ အရွယ်တွင် သားခွဲသော အလုပ်ကို လုပ်ပေးရမည်။ အပင်သေးများ ၊ အပင်ကြပ်များနှင့် မသန်စွမ်းသော အပင်များကို ဖယ်ထုတ်ပေးရမည်။ ရောဂါကာကွယ်ပေးသော ဇိဝမှိုသတ်ဆေးကို (၁၀) ရက်တစ်ကြိမ်ဖြန်းပေးရန် လိုအပ်သည်။ အပင်သက်တမ်း (၄) လတွင် မယိုင်လဲစေရန် တိုင်စိုက်၍ ကြိုးတန်းပေးရသည်။ အပူပိုင်းဒေသတွင် ရေပေးရန်လိုအပ်သည်။ ပေါင်းမြတ်ကင်းစင်ရမည်။ ရေကြိုက်သော်လည် ရေဝပ်ခြင်းကို အထူးဂရုပြုရမည်။ သက်တမ်းကြာလအကြာတွင် ကညွှတ်အစို့များ စတင်နှုတ်ယူနိုင်သည်။ မနက်အစောပိုင်း နှုတ်ယူခြင်းက ပို၍ကောင်းမွန်သည်။ အကြောင်းမှာ နေရောင်ထိတွေ့ပါက အဖးူများပွင့်ခြင်း ၊ အရောင်မ လှခြင်းများ ဖြစ်တက်သည်။ နုတ်ယူရာတွင် မချိုးယူဘဲ စတင်နှုတ်ယူချိန် (၃) လ ခူး (၁) လ နား၇ပါမည်။ ပင်ကြပ်များ ၊ ပိုးကျသောအပင်များ ၊ မသန်သောပင်များနဲ့ အပင်အိုများကို ဖယ်ရှာပေးရမည်။ အမြစ်အုံတစ်ခုမှ အပင် (၃) ပင် (၄) ပငင်သာ ချန်ထားရမည်။ အအေးပိုင်းဒေသများတွင် တစ်လ ခန့်နားပေးရမည်။ ကညွှတ်ပင်မှ ပြန်လည်ရရှိလာသော မျိုးစေ့ကို မသုံးသင့်ပါ။ ပြန်လည်အသုံးပြုပါက အပင်အားနည်းခြင်း ၊ အစို့ပိန်လှီခြင်းနှင့် ရောဂါဒဏ်ခံနိုင်ရည်မဲ့ခြင်းများ ဖြစ်ပေါ်စေသည်။

ပိုးမွှားရောဂါအနေဖြင့် ခြောက်သွေ့ရာသီတွင် ဖြုတ်စိမ်း ၊ ငမြောင်တောင်နှင့် လှေးပိုးများ ကျရောက်တက်သည်။ ရွက်ပြောက်စင်းရောဂါလည် ကျတက်သည်။

ထို့အပြင် ကညွှတ်ဖြူရရှိရန်လည် ပြုလုပ်နိုင်သည်။ လိုအပ်သောပစ္စည်းများမှာ ကညွှတ်အစို့ထက်အနည်းငယ်ကြီးသော ဝါးလုံး ၊ စပ်ဖွဲပြာတို့ဖြစ်သည်။ ပထမဦးစွာမြေပေါ်သို့တိုးထွက်လာသော ကညွှတ်အစို့ကို ပိုက်လုံးဖြင့် စွတ်၍ ပိုက်လုံးမြေမှ မပြုတ်စေရန် ထိုးစိုက်ရပါမည်။ ထို့နောက် ဝါးလုံးထဲသို့ စပ်ဖွဲပြာပြည့်သည်အထိဖြည့်ပေးရမည်။ ပိုက်လုံးသည် ဖြောင့်တန်းရမည်။ လိုချင်သော အရှည်ပမာဏရှိရမည်။ ထို့နည်းဖြင့် ကညွှတ်ဖြူ ရရှိနိုင်ပါသည်။