Archive for October 2018

သီးနှံများတွင် မရိတ်သိမ်းမီ ဆုံးရှူံးမှုများနှင့် ရိတ်သိမ်းပြီးချိန်ဆုံးရှူံးမှုများဟူ၍ နှစ်ပိုင်းရှိပါသည်။ ဆုံးရှူံးရာတွင် သီးနှံများ၏ အရည်အသွေး ဆုံးရှူံးခြင်း၊ ထုထယ်ပမာဏ ဆုံးရှူံးခြင်းများ ရှိပါသည်။ မရိတ်သိမ်းမီ ဆုံးရှူံးခြင်းသည် သဘာဝရာသီဥတုဒဏ်များဖြစ်သည့် အပူလွန်ကဲခြင်း၊ အအေးလွန်ကဲခြင်း၊ မုန်တိုင်းတိုင်ခြင်း၊ ရေကြီးခြင်း၊ ရေနစ်မြုပ်ခံရခြင်း၊ မီးလောင်ခြင်း၊ ပိုးမွှားရောဂါ ကျရောက်ဖျက်စီးခံရခြင်း တို့ဖြစ်ပါသည်။ အလွန်ဆိုးရွားသော ရာသီဥတုဖောက်ပြန်မှုဒဏ်များခံရပါက ၁၀၀ ရာခိုင်နှုန်းထိခံကြရပါသည်။ ဟင်းသီးဟင်းရွက်များ မရိတ်သိမ်းမီ ဆုံးရှူံးမှုဖြစ်ရခြင်းများမှာ သီးနှံကာကွယ်ရေးနည်းစနစ်အားနည်းခြင်း၊ ရိတ်သိမ်းစဉ် ထိခိုက်ဒဏ်ရာရရှိခြင်း၊ ဇီဝကမ္မဆိုင်ရာဒဏ်ရာရခြင်း၊ နည်းပညာအားနည်းခြင်းတို့ကြောင့်ဖြစ်သည်။ ရိတ်သိမ်းပြီးချိန်ဆုံးရှူံးမှု ဖြစ်ရခြင်းများမှာ ရိတ်သိမ်းသည့်နည်းစနစ်မမှန်ကန်ခြင်း၊ ရိတ်သိမ်းချိန်မမှန်ကန်ခြင်း၊ သယ်ယူကိုင်တွယ် ခြွေလှေ့စနစ်မမှန်ကန်ခြင်း၊ အခြောက်ခံသည့် စနစ်မမှန်ကန်ခြင်း သိုလှောင်ထိန်းသိမ်းသည့် စနစ်တို့ မမှန်ကန်ခြင်းကြောင့်ဖြစ်ပါသည်။ သီနှံများ ရိတ်သိမ်းနည်းစနစ်မမှန်ကန်ခြင်းကြောင့်ဖြစ်ရခြင်းမှာ အလွန်သတိပြုရမည့် အချက်ဖြစ်ပါသည်။ လက်ဖြင့် ရိတ်သိမ်းခူးဆွတ်သည်ဖြစ်စေ၊ စက်ဖြင့် ရိတ်သိမ်းခူးဆွတ်သည်ဖြစ်စေ…